مصر کے قومی ادارہ برائے فلکیات و جیو فزیکل ریسرچ کے سربراہ ڈاکٹر جاد القاضی نے بتایا ہے کہ انسٹی ٹیوٹ میں سن ریسرچ لیبارٹری کے فلکیاتی حسابات کے مطابق موجودہ ہجری سال 1444ھ میں ذی القعدہ کا مہینا اگلے اتوار کوشروع ہوگا۔ یہ مہینا 29 دن کا ہوسکتا ہے۔ اس صورت میں عید الاضحیٰ 27 جون کو ہوگی۔

القاضی نے میڈیا کے ذریعے رپورٹ کیے گئے ایک بیان میں نشاندہی کی کہ ذی القعدہ کے مہینے کا چاند قاہرہ کے مقامی وقت کے مطابق 29 شوال جمعہ شام پانچ بج کر 54 منٹ پر 19 مئی کو دیکھے جانے کا امکان ہے۔ تاہم بعض عرب اور اسلامی ممالک میں غروب آفتاب کے بعد نیا ہلال ابھی پیدا نہیں ہوا ہو گا۔

انہوں نے وضاحت کی کہ چاند (پرانا ہلال) مکہ المکرمہ میں غروب آفتاب سے 3 منٹ پہلے غروب ہو جائے گا جبکہ قاہرہ میں نیا چاند غروب آفتاب کے ایک منٹ بعد رہے گا۔

القاضی نے بیان کیا کہ مصر کے گورنریوں قنا، خارجہ، سوہاگ، الطور، سینٹ کیتھرین اور طابا میں چاند اور سوررج دونوں ایک ساتھ غروب ہوں گے، حلائب، توشکہ اور اسوان میں اس چاند سورج سے ایک یا دو منٹ پہلے غروب ہوگا۔ اسی طرح سلوم، اسکندریہ، بورسعید، طنطا، فیوم اور اسیوط میں غروب آفتاب سے ایک سے تین منٹ بعد غروب ہوگا۔

انہوں نے مزید کہا کہ زیادہ تر عرب اور اسلامی دارالحکومتوں اور شہروں میں، چاند اس دن (دیکھنے کے دن) غروب آفتاب سے پہلے (1 سے 18 منٹ) تک کے وقفوں کے لیے غروب ہو جاتا ہے، جب کہ ان میں سے کچھ میں غروب آفتاب کے بعد 1 سے9 کے وقفے کےدرمیان رہے گا۔