وفاقی حکومت نے منی بجٹ کی منظوری کیلئے کابینہ کا اجلاس کل دوبارہ بلانے کا فیصلہ کرلیا۔

ذرائع کے مطابق وفاقی کابینہ اجلاس میں صرف ایک نکاتی ایجنڈا پربات ہوگی جبکہ اجلاس میں منی بجٹ پر ارکان کوبریفنگ دی جائے گی۔

ذرائع کا کہنا ہے کہ وفاقی کابینہ کل منی بجٹ کی منظوری دے گی۔

ذرائع کے مطابق کابینہ سے منظوری کے بعد منی بجٹ اگلے روز قومی اسمبلی اجلاس میں پیش کیا جائے گا۔

دوسری جانب وفاقی کابینہ کے آج ہونے والے اجلاس میں فنانس ترمیمی بل پیش نہ ہوسکا۔

ذرائع کے مطابق کابینہ اجلاس میں وزیرخزانہ شوکت ترین نے منی بجٹ پر گفتگو میں کہا کہ فنانس ترمیمی بل تیار ہے۔

ان کا کہنا تھاکہ کابینہ کو ان کیمرہ بریفنگ دینے کیلئے تیار ہوں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے