ضلع کیچ میں دہشتگردوں کی جانب سے سکیورٹی فورسز کی چیک پوسٹ پر فائرنگ،پاک فوج کا ایک سپاہی شہید

بلوچستان کے ضلع کیچ میں دہشتگردوں کی جانب سے سکیورٹی فورسز کی چیک پوسٹ پر فائرنگ کی گئی جس کے باعث پاک فوج کا ایک اور سپاہی شہید ہو گیا۔

پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق بلوچستان کے ضلع کیچ میں فوجی چیک پوسٹ پر دہشت گردوں کی جانب سے فائرنگ کی گئی۔

آئی ایس پی آر کے مطابق سکیورٹی فورسز کی جانب سے فوری اور مؤثر جوابی کارروائی کی گئی، فائرنگ کے تبادلے میں پاک فوج کا سپاہی شہید ہو گیا، شہید ہونے والے سپاہی کا نام محمد قیصر ہے۔ سکیورٹی فورسز کی جانب سے علاقے میں کلیئرنس آپریشن جاری ہے۔