ایم کیو ایم نے پاکستان میں 8 صوبے بنانے کا بل پیش کر دیا

پاکستان کی جماعت متحدہ قومی موومنٹ نے ملک میں 8 صوبے بنانے کا بل پیش کر دیا ہے۔

ایم کیوایم کی رکن کشورزہرہ نے قومی اسمبلی سیکرٹریٹ میں بل جمع کرایا جس کے متن میں کہا گیا ہے کہ پنجاب، بہاولپور اور ساؤتھ پنجاب صوبے بنائے جائیں جب کہ سندھ اور خیبر پختون خواہ میں بھی 2،2 صوبے  بنائے جائیں۔

بل میں واضح کیا گیا ہے کہ خیبر پختونخواہ کے 2 صوبے  کے پی کے اور ہزارہ  کے نام سے بنائے جائیں  اور سندھ میں  شمالی سندھ اور جنوبی سندھ  کے نام سے دو صوبے ہونے چاہییں۔

ایم کیو ایم کے بل  کے مطابق  پنجاب کی 117 اور جنوبی پنجاب کی 38 نشستیں ہونی چاہئیں جب کہ وفاقی دارالحکومت کی 3 نشستیں ہونی چاہئیں، بل میں مطالبہ کیا گیا ہے کہ قومی اسمبلی کی جنرل اور خواتین کی کل 335 نشستیں بنائی جائیں۔

اسی طرح سینیٹ کی نشستیں 104 سے بڑھا کر188 کرنے کا مطالبہ کرتے ہوئے کہا کہ سینیٹ میں فاٹا کی 8 اوراسلام آباد کی 4 نشستوں کا مطالبہ کیا  گیا ہے تو  سینیٹ میں مساوی طور پر  8 صوبوں کی 22، 22 نشستوں کی ضرورت پر زور دیا گیا ہے۔