لاہور: صوبائی دارالحکومت لاہور میں گیس سلنڈر دھماکا ہوا، دھماکے کے باعث ایک شخص جاں بحق ہو گیا۔

تفصیلات کے مطابق لاہور کے نواحی علاقے ٹاؤن شپ میں دھماکے کے باعث ایک شخص جاں بحق جبکہ 6 افراد شدید زخمی ہو گئے۔

ریسکیو حکام کے مطابق جاں بحق ہونے والے شخص کی نعش کو ہسپتال منتقل کر دیا ہے جبکہ زخمیوں کو طبی امداد کے لیے جناح ہسپتال منتقل کیا جا رہا ہے۔

سی سی پی او ذوالفقار احمد کا کہنا تھا کہ ابتدائی اطلاعات کے مطابق دھماکا سلنڈر پھٹنے کے باعث ہوا۔ دھماکا اے سی کی دکان کے باہر پیش آیا، پولیس کی بھاری نفری دھماکے کے مقام پر موجود ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے