سکردو سے پنڈی جانے والی تیزرفتار مسافر کوچ کو چلاس کے قریب حادثہ پیش آ گیا، بےقابو ہو کر چٹان سے ٹکرا گئی. حادثے کے نتیجے میں 10 فوجی جوانوں‌ سمیت 26 افراد جاں بحق اور 11 زخمی ہو گئے۔ پاک فوج نے بابو سرٹاپ پر ریسکیو آپریشن کرتے ہوئے لاشوں‌ اور زخمیوں‌ کو سی ایم ایچ گلگت منتقل کر دیا.

آئی ایس پی آر کے مطابق چلاس بس حادثے میں 26 مسافر جاں بحق ہوگئے جن میں سے 10 کا تعلق پاک فوج سے ہے۔ آرمی ایوی ایشن کے ہیلی کاپٹروں کے ذریعے 26 لاشوں اور زخمیوں کو سی ایم ایچ گلگت منتقل کر دیا گیا۔ حادثہ بابو سر ٹاپ کے مقام پر پیش آیا جس کے بعد پاک آرمی کی جانب سےریسکیو آپریشن شروع کر دیا گیا۔

راولپنڈی جانے والی بس چلاس کےقریب حادثے کا شکار ہو گئی تھی۔ تیز رفتاری کےسبب ڈرائیور بس کا کنٹرول کھو بیٹھا اور بس چٹان سے ٹکرا گئی جس کے سبب 26 افراد جاں بحق اور 11 زخمی ہو گئے۔ بس سکردو سے روانہ ہوئی تھیل۔ زخمیوں میں بچے اور خواتیں بھی شامل ہیں۔ بتایا گیا ہے کہ بس مسافروں سے کھچا کھچ بھری ہوئی تھی کہ بابوسر ٹاپ کے علاقے میں حادثے کا شکار ہو گئی۔

اطلاع ملنے پر پاک فوج نے فوری طور پر ریسکیو آپریشن شروع کیا اور زخمیوں کو پاک آرمی کے ہیلی کاپٹروں کے ذریعے سی ایم ایچ گلگت منتقل کر دیا گیا۔ ہسپتال میں ایمرجنسی نافذ کر کے زخمیوں کو طبی امداد دی گئی